الرئيسية
علينا أن نغير طريقة الحوار بيننا وبين أبنائنا للوصول بهم لشخصية سوية قصة عائلة
الأب مخاطب الابن : تعال وله
الابن و بكل براءة : نعم
الأب :نعامة ترفسك ... تعال وله
الابن : ليش شو ساويت؟
الأب : ساواك ضريب يخلع رقبتك
الابن : شو فيه؟
الام : شاوي يشوي عضمك ......رد على ابوك بأدب وله
الابن : هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم :يحضروا على قبرك انشالله ... لما ابوك يحكي انت بتخرس
الابن :أخرس؟
الأب : ايوه ان شالله خرسه
الابن: ماشي
الأم: اجاك مشش بركبك ما تقوم منه انشالله
الابن :مشش ؟؟؟ شو هاد المشش؟؟
الأب: اما انك قليل حيا ...وبترد على امك كمان ؟ هات العصاي وتعال وله
الابن: انا رديت على امي؟ ماما احكي شي كلمه
الأم: موا يمزع نيـعـك وله ....حكيتلك اخرس
الابن الان اصبح مغلوب على امره ومو فاهم شو الموضوع وصمت
الأب: أما جيل قليل حيا...احكي وله ... شبك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك انشالله ... قلتلك تأدب وانت بتحكي مع ابوك
الأب : شوهاد "بتشوفوني غلط" شو ... شايفنا عميان ولا حول ؟
الابن : لا اله الا الله
الأم : الله ياخدك انشالله .... يا ريتني خلفت ابن الجيران ولا انت
الأب: انا مو عرفان ايمتى هاد الولد بدو يصير زلمه...دايما فاضحني بين الرجال
الابن: طيب شو اعمل مشان تشوفني زلمه ؟
الأب: قلتلك اخرس وله
الابن: يا الله ... يا الله ... يا جماعه شبكون ... شو فيه ؟
الأم: اه صحيح انت ليش ناديت للولد يا زلمه ؟
الأب :بتصدقي يا مره اني نسيت.... نساني شو كنت بدي منه هالكلب
الاب : خلص روح رجاع على غرفتك
